VOV4.K’ho- Ngai 01/6, Quôk hội neh pơrjum bal tàm hìu pơrjum, tơrgùm cribơyai bè sền sơ wì bơ tơl cồng nha lam lơh broă rơndap lơh bơtàu tơnguh lơh sa- mpồl bơtiàn mờ kes priă dà lơgar. Ală kwang bàng đơs niam ală cồng nha niam ngan tàm broă lơh rơcang sơndră kòp Kovid-19. Bulah bè hơ̆, uă kwang bàng ai tơnggŏ bơta gơ chul nùs uă ngan tŭ geh priă mơya ờ gơtùi tă. Mờ kung dan Cíñ phủ sền gròi uă tus broă đơng pơlam khà priă xăng zờu mờ khà priă phan sa.

Tềng đap mat gròi sền lài tus kơ̆ kơljap broă lơh sa dờng, sền gròi bơta roh bơngă khà priă, gàr ờdo ờdă rài kis mpồl bơtiàn. Ală kwang bàng neh ai tơlik uă broă lơh nàng chồl pràn bơtàu tơnguh lơh sa tàm tơngai tus, ngan là nàng lơh geh jơnau kờñ lơgar he gơguh lơh sa bơh 6 tus 6,5%, sền gròi bơta roh bơngă khà priă 4% tàm nam do. Tàm hơ̆ sồr Cíñ phủ pal bơt bơtàu ală broă lơh ring bal, bơh lơyah tơngai, di mơ tơngai mờ jŏ tơngai, gơ dờp mờ ală jơnau digơlan gơlik geh; kuơmàng là pal sền gròi tus gah lơh sa suơn sre, dùl gah geh bơta kuơ tờm dong kờl tàm tơngai dà lơgar gơtìp kal ke.

Cau mblàng K’Duẩn