VOV4.K’ho- Pơn jat tai dơ̆ lơh broă tàm pơrjum dơ̆ 3, ngai do (09/6), Quôk hội lam lơh lùp mờ hơ jơnau lùp. Drim do, Thống đôk Ngân hàng dà lơgar Việt Nam mò Nguyễn Thị Hồng pơn jat tai bơnah hơ jơnau lùp tềng đap Quôk hội. Pơn jat hơ̆, Ƀộ trưởng Ƀộ Giao thông Vận tải ồng Nguyễn Văn Thể mờ Phó Thủ tướng Thường trựk Cíñ phủ ồng Phạm Bình Minh hơ jơnau lùp tềng đap Quôk hội.

Ală tơngume tờm geh Ƀộ trưởng ồng Nguyễn Văn Thể lơh loh tàm dơ̆ lùp ngai do là bè: tơngai lam lơh, bơta niam mờ broă lơh rơcang sơndră hoàc huơr tàm broă lam lơh ală rơndap broă, broă lơh gùng lòt kuơmàng dà lơgar, ală gùng rơndeh ntoat rat. Broă lơh sền sơ wì, jat sền, gàr bơta niam ală broă lơh gùng lòt geh tă priă lơh bơh kes priă dà lơgar. Bơta geh ngan mờ broă lơh bơsong ală bơta ờ niam tàm bơcri priă, ngui, tac bro ală rơndap broă lơh gùng lòt jat broă lơh BOT. Tàm dơ̆ lùp, kwang bàng Quôk hội, cau jak chài mờ cau tĕ khà kơp kờñ ală broă lơh tam gơl pa mờ Ƀộ trưởng Ƀộ Giao thông Vận tải đơs tus geh pơgồp bơnah tơnguh mhar tơngai lơh gơs ală broă lơh kuơmàng dà lơgar dê.

Cau mblàng K’Duẩn