VOV4.K’ho- Ngai do (06/06, dơ̆ pơrjum 3, Quôk hội khoă XV neh mŭt tus poh lơh broă dơ̆ 3. Dùl tàm ală tơngume kwơmàng geh ală kwang bàng cribơyai tàm mpồl drim do là Ai gơnoar bơcri priă lơh Rơndăp broă lơh Gùng pleh 3 ƀòn dờng Hồ Chí Minh mờ gùng Pleh 4 tiah càr lơgar Hà Nội. Uă cau jak chài kung đơs loh, Hà Nội mờ ƀòn dờng Hồ Chí Minh là “gùng mŭt tờm” tìp măt lơh kwèng, là anih tus bơh ală cau bơcri priă mờ năc lòt nhơl dunia dê.

Broă bơcri priă lơh Rơndăp broă lơh gùng pleh 3 mờ 4, gàr niam ai phan bơna gùng lòt rê in niam sùm kung geh pơgồp bơnah kwơmàng tơnguh, yal tơngĭt, gơhòi gơ jà bơcri priă mờ nhơl chờ dunia tus mờ Việt Nam. Jăt broă pơrjum, tàm poh do, Quôk hội kung geh cribơyai bè rơndăp cih Kơrnoăt bè lơh tơrlòng lài bàr pe gùng dà broă lơh krơi is bơtàu tơnguh càr Khánh Hoà; cribơyai bè broă jàu priă càn rê ai càn wơl, ala măt Cíñ phủ gơ gơs ai pà kes priă dà lơgar. Kwơmàng, Quôk hội lời 2 ngai mờ nggùl lùp mờ hơ jơnau lùp bè bàr pe mpồl broă gơwèt gah broă lơh sa sươn sre mờ bơtàu tơnguh ƀòn lơgar, gah broă priă jền, gah broă ngân hàng mờ gah broă gùng lòt pơndiang phan.

Cau mblàng Lơ Mu K’Yến