Quôk hội cribơyai tàm mpồl bè ală broă: Rơndăp ù tiah jơh ală bơta kâp dà lơgar tơngai bơh nam 2021- 2030, broă rơndăp lơh tus nam 2050; Sền swì broă lơh jăt jơnau cih tàm Kơrnoăt sồ 30, Quôk hội khoă XV bè ală broă lơh rơcăng sơndră kòp Kovid-19 lơh bơtờp; Sồr tơngume cih tàm Kơrnoăt bơh Quôk hội dê bè broă tàm pơn jăt tai lơh jăt bàr pe broă lơh jăt jơnau cih tàm Kơrnoăt sồ 30 bè ală broă lơh rơcăng sơndră kòp Kovid-19 lơh bơtờp, mờ ai gơnoar pơn jăt tai ngui sră cih mat dan kă bro sơnơm, phan ngui lơh sơnơm jơh tơngai ai ngui bơh ngai 01/01/2023 mờ ờ hềt thàn tơn jŏ tơngai ai ngui jăt jơnau cih bơh Adat Sơnơm tơm ba dê. Kung dùl ngai bal, Quôk hội cribơyai tàm hìu pơrjum bè bàr pe tơngume gam geh jơnau đơs ờ ring bal bơh rơndăp broă lơh Adat Kham, sơm kòp (tam gơl) dê.