VOV4.K’ho- Pơn jat tai pơrjum dơ̆ 3, Quôk hội khóa 15, drim ngai 03/6, cribơyai tàm hìu pơrjum bè Jơnau rơcang cih Nghị quyết bè lam lơh tơrlòng lài lam lơh broă lơh cau lơh broă, pơlam jòi broă lơh, bơto broă lơh ai cau jàm bơdìh hìu jàm in, ală kwang bàng đơs là, Nghị quyết là broă lơh kuơmàng dong cau jàm geh bơta chài lơh broă kơ̆ kơljap, ƀuơn jòi geh broă lơh tơnơ̆ tŭ jơh tơngai ơm jàm, nàng gùng rê wơl tàm hìu bơh cau jàm dê lơyah wơl, dong ală cau neh geh tŭ gơ tup tìs ƀuơn rlau tai tŭ pờ wơl mpồngr rài kis he dê. Ală kwang bàng sồr Cíñ phủ cih loh làng bè tơl khà, broă rơ wah cau jàm geh ai tus tiah lơh broă, pơlam jòi broă lơh, bơto broă lơh bơdìh hìu jàm nàng kờñ gàr bơta ngac ngar mờ di mờ bơta geh ngan tàm tơl hìu jàm. Ƀùi mho, ală kwang bàng Quôk hội cribơyai tàm mpồl bè Rơndap lơh Adat tam gơl, bơ tơl 2, 3 bơta bơh Adat tần sồ vô tuyến đèng mờ Rơndap lơh adat nhơm zờu (tam gơl).

Cau mblàng K’Duẩn