VOV4.K’ho- Jat broă lơh pơrjum dơ̆ 3, Quôk hội khóa 15, ngai do (31/5), Quôk hội lơh broă tàm Hìu pơrjum mờ tàm mpồl cribơyai 2, 3 rơndap lơh Adat kuơmàng.Tàm dơ̆ pơrjum ƀùi drim, Quôk hội geh iat Ủy viên Ƀan Thường vụ Quôk hội, Củ ñiệm Ủy ƀan Adat boh lam bơh Quôk hội dê ồng Hoàng Thanh Tùng yal Jơnau yal mblàng lơh loh, cih dờp, tam gơl Jơnau rơcang cih Adat tam gơl, bơtơl 2, 3 bơta bơh Adat ngui phan geh lơh bơh bồ tơngoh jak dê. Pơn jat hơ̆, Quôk hội cribơyai tàm hìu pơrjum bè 2, 3 tơngume gam geh jơnau đơs krơi is bơh Rơndap lơh Adat tam gơl, bơ tơl 2, 3 bơta bơh Adat ngui phan geh lơh bơh bồ tơngoh jak dê. Tơnơ̆ hơ̆, anih yal mờ anih đơng lam sền sơ wì pơgồp bal mblàng lơh loh 2, 3 bơta mờ kwang bàng Quôk hội đơs.

Tàm dơ̆ pơrjum ƀùi mho, Quôk hội cribơyai tàm mpồl bè Rơndap lơh Adat rơcang sơndră tam lơh tam pờng tàm hìu bơnhă (tam gơl) mờ Rơndap lơh Adat lam lơh làng bol lơh tờm tàm kâp hơ đơm.

Cau mblàng K’Duẩn