VOV4.K’ho- Pơn jat tai broă lơh pơrjum dơ̆ 3, drim ngai 30/05, cribơyai tàm hìu pơrjum bè broă lơh jat broă lơh, adat boh lam bè broă lơh rơndap ù tiah kờp bơh tŭ Adat rơndap ù tiah geh mut ngui ngan ngồn, ală kwang bàng sơñio loh ală bơta ờ niam tàm broă kờp sền rơndap ù tiah, gơlam tus gam 104 rơndap ù tiah ờ hềt lơh sir, kĭ ring bal, gơrềng tus bơtàu tơnguh lơh sa- mpồl bơtiàn.

Jat ală Kwang bàng, Adat bơt bơtàu jơnau sồr rơndap broă lơh rơndap ù tiah pal geh yal tàm pang yal tơngĭt jơnau điện tử bơh anih lơh broă lơh rơndap ù tiah dê. Mơya, ngan ngồn broă yal loh làng jơnau yal rơndap ù tiah gam lơh jat đah bơdìh, ngan là rơndap ù tiah bơt bơtàu, rơndap ù tiah ù. Uă jơnau đơs bơh kwang bàng dê dan mờ Quôk hội ai ngui Nghị quyết jat sền broă lơh jat broă lơh, adat boh lam bè broă lơh rơndap ù tiah mờ bàr pe broă lơh nàng kờñ tă bơsong bơta kal ke, kòl yal, tơnguh uă bơta niam mờ lơh pràn lơh gơs tŭ tơngai lơh rơndap ù tiah. Mơkung sồr tàm tŭ lơh rơndap ù tiah pal jat nền tàm bơta geh ngan, sền sơwì geh bơta pràn, bơta kwơ, tŭ niam tàm pơr lòng bơh tơl ƀộ, ngàñ ală tiah dê; bơtơl jơnau sồr, broă lơh glài ngan ngồn gơwèt mờ cau lơh lơyài halà ờ yal loh làng jơnau yal rơndap ù tiah.

Cau mblàng K’Hạnh