VOV4.K’ho- Drim ngai 09/6, tềng đap bơta đơng pơlam bơh Củ tịc Quôk hội ồng Vương Đình Huệ dê, Ƀộ trưởng Ƀộ Tài cíñ ồng Hồ Đức Phơc neh hơ jơnau lùp bơh kwang bàng Quôk hội dê. Ală broă geh kwang bàng Quôk hội sền gròi ngan rlau jơh là bơta ờ niam tàm broă sền sơ wì lơh nền khà priă; ală hoàc huơr tàm tŭ tam gơl gơs lơh sa bal; bơta pleh adat boh lam, pồn dia mờ rơndeh pà; drà kă bro cứng khoán mờ trái phiếu; bơta gàr kơ̆ kơljap khà priă sră măi ai kơnòm bơsram in.... 

Broă lơh geh Ƀộ trưởng Ƀộ Tài cíñ đơs nền tàm broă atbồ broă sền sơ wì lơh nền khà priă, drà kă bro cứng khoán mờ trái phiếu là sơlơ tơnguh broă lùp sền, sền sơ wì; tă bơsong kal ke ai broă tam gơl gơs lơh sa bal in jat di mờ jơnau sồr. Bè sră măi, Ƀộ trưởng ồng Hồ Đức Phơc mblàng lơh loh bè jơnau sồr yal khà priă mờ đơs broă lơh sồr ai sră măi mut tàm broă sền sơ wì lơh nền khà priă mờ gơ wèt mờ ală tiah sar lơgar ngài, ală cau rƀah geh dong kờl.

Cau mblàng K’Duẩn