Tơnơ̆ pe ngai lơh broă mờ uă tơngume kwơ màng, tàm hơ̆ uă ngan là broă kwang bàng, jăt broă lơh, ngai do (23/05) Quốk hội mŭt tàm ngai lơh broă dơ̆ poan bơh Pơrjum dơ̆ poh, Quốk hội khoă XV mờ dơ̆ cribơyai tàm mpồl bè, broă: Sền wơl bơtơl cồng nha lơh jăt broă rơndăp lơh bơtàu tơnguh lơh sa - mpồl bơtiàn mờ kes priă Dà lơgar nam 2023; broă lơh jăt broă rơndăp lơh bơtàu tơnguh lơh sa - mpồl bơtiàn mờ kes priă Dà lơgar ală nhai bồ nam 2024.

Ƀùi drim, ală kwang bàng geh cri bơyai tàm mpồl mờ broă lơh jăt broă tềm pềr, kơrian pơhì pơhà nam 2023; Cồng nha lơh jăt ală jơnau kờñ dà lơgar dê bè ring bal cau klao mờ cau ùr nam 2023. Ƀùi mho, Quốk hội cri bơyai tàm hìu pơrjum dờng bè cồng nha jăt sền broă bơsong jơnau đơs bơh cau tĕ khà dê pơyoa tus Pơrjum dơ̆ 6, Quốk hội khoă XV; Kwang bàng Cíñ phủ mờ ală anih lơh broă, cau dùl nă să gơrềng bal broă yal mblàng lơh loh ờ uă bơta kwang bàng Quốk hội đơs.