Đơs tàm dơ̆ sơn đờm pơrjum, Củ tịc Quốk hội ồng Vương Đình Huệ pà git, tàm tơngu me jơnau kờñ jal mhar bơh mùl màl dê, ai bơh tàm jơnau cih bơh Sơnoa boh lam, Adăt bơyai lơh Quốk hội mờ Kơrnoăt pơrjum Quốk hội.

Tàm pơrjum do geh sền wơl, ai tơlik kơrnoăt ờ uă broă dờng, kwơ màng mờ jal mhar bè: Rơndăp ù tiah kấp dà lơgar tơngai bơh nam 2021 tus 2030, wèt tus nam 2050; rơndăp rơcang cih Adăt Kham sơm kòp (tam gơl); tơrgùm sền wơl broă lơh jăt ală broă lơh krơi is ai broă sơndră mờ kòp Kovid-19 geh cih tàm Nghị quyết sồ 30 bơh Quốk hội; bè broă priă jền, kes priă dà lơgar. Kwơ màng, tàm pơrjum ni sơna dơ̆ bàr do, Quốk hội geh sền wơl, ai tơn jơh lơh kơnòl kwang bàng gơwèt mờ ờ uă kwang bàng Quốk hội mờ sền wơl, kĭ broă tơn jơh kơnòl, tơnpồ ờ uă kwang bàng tàm Cíñ phủ.