VOV4.K’ho- Gờm chờ tơngkah kir sơnrai 47 nam Ngai tơngklàs càr Kon Tum (16/3/1975- 16/3/2022), 69 nam Ngai Bơhiàn Mpồl cau cùp rùp Việt Nam, mho ngai 15/03, kềng rùp mòn tam lơh pha lin tàm Ƀlàng dờng anih tờm thị trấn Măng Đen, kơnhoàl Kon Plông, Mpồl Văn họk- Nghệ thuật càr Kon Tum pơgồp bal mờ Ủy ƀan Ñân zân kơnhoàl Kon Plông bơyai lơh dơ̆ ràng tơlik rùp cùp. Ràng tơlik rùp cùp bơh Mpồl Văn họk- Nghệ thuật càr Kon Tum pơgồp bal mờ Ủy ƀan Ñân zân kơnhoàl Kon Plông bơyai lơh yal tơngĭt 120 pang rùp bơh 12 nă cau chài cùp rùp dê.

Làng bol mờ năc lòt nhơl sền ală pang rùp niam tàm dơ̆ ràng tơlik rùp cùp niam

Do ndrờm là ală pang rùp neh tus bal tàm ală dơ̆ ràng tơlik rùp kâp dà lơgar mờ kơnhoàl ù tiah do. Tàm hơ̆, uă pang rùp lơh geh khà jờng tàm ală dơ̆ pơrlòng rùp tàm dơlam mờ bơdìh lơgar. Ràng tơlik rùp cùp geh lơh bơh ngai 15- 25/03- di tòm tơngai bal mờ Dơ̆ pơrlòng Đơs pơndik tam ya niam chài ală jơi bơtiàn kòn cau tiah kơh bơnơm Trường Sơn- Tây Nguyên dơ̆ III nam 2022 mờ pờ mpồng wơl ală anih nhơl chờ tàm ù tiah càr dê den tàng geh lơh gơlik tềl tơngŏ niam ngan.

Cau mblàng Lơ Mu K’Yến