VOV4.K’ho- Tàm Anih tờm Niam chài càr Dăk Lăk, Mpồl Wăc rùp Việt Nam pơgồp bal mờ Sở Văn hoá Thể thao mờ Zu lịc càr Dăk Lăk pa bơyai lơh dơ̆ ràng tơlik rùp wăc sềr tàm tơrbŏ bal- Canavan wăc sềr rùp gùt Việt Nam. Dơ̆ ràng tơlik geh yal tơngĭt rlau 100 pang wăc sềr rùp bơh ală cau wăc sềr rùp tàm gùng lòt Canavan- Wăc sềr rùp gan Việt Nam mờ ală cau wăc sềr rùp gơwèt Mpồl Wăc rùp càr Dăk Lăk dê lơh.

Năc lòr sền dơ̆ ràng tơlik

Ală pang wăc sềr rùp ràng tơlik rài kis pah ngai niam ngan, bềng bơta niam tàm rài kis kòn bơnus mờ ù tiah Tây Nguyên dê. Canavan wăc sềr rùp gùt Việt Nam geh sơnđờm mŭt lơh bơh nam 2022, là dùl sàl bơceh wăc sềr rùp tơn tàm hơ̆ geh 20 nă cau wăc sềr rùp geh sac rơwah. Dơ̆ wăc sềr rùp gan Việt Nam dơ̆ sơn rờp geh bơyai lơh bơh bơta lơh broă bal bơh Mpồl Wăc rùp Việt Nam cơldŭ lơh broă tiah đah Jum dà lơgar mờ Vietnam Art Space, sơnđờm bơh ƀòn dờng Hồ Chí Minh tus tiah lồi dŭt là Đà Nẵng, tàm gùng lòt geh lòt gan uă ù tiah, bè: Dăk Lăk, Kon Tum, Bình Định, Phú Yên nàng ràng tơlik bơta niam bơnĕ bơh ală ù tiah dà lơgar dê bơh bơta bơceh wăc sềr rùp bơh cau wăc sềr rùp dê.

Cau mblàng K’Hạnh