VOV4.K’ho- Tơnơ̆ 6 ngai lơh broă, mho ngai 10/05, Pơrjum dơ̆ 5, Ƀan câp hàñ Đảng Dà lơgar khoă XIII neh pơrjum tơn jơh. Dùl tàm ală broă geh Tổng Ƀí thư ồng Nguyễn Phú Trọng sền gròi ngan tàm jơnau đơs tàm dơ̆ tơn jơh pơrjum, hơ̆ là bơta kờñ ngan pal lơh gơlik tus geh bơta tam gơl pràn kơldang mờ ngan ngồn rlau tai tàm broă tơnguh uă bơta pràn jak đơng lam, pràn tam lơh bơh mpồl đảng dê; mờ nàng lơh geh cồng nha jơnau kờñ, jơnau sồr mờ ală kơnòl broă broă lơh neh ai tơlik.

                                                       Tổng Ƀí thư ồng Nguyễn Phú Trọng

Tổng Ƀí thư ồng Nguyễn Phú Trọng sồr, Mpồl Rơndăp broă kâp dà lơgar mờ ală Ƀan Đảng, ală anih lơh broă tă pơgồp jơnau đơs, dong broă tàm kâp dà lơgar pal mhar geh jơnau bơto pơlam lam lơh jăt; ală Tỉñ ủy, Thàñ ủy, ală đảng ƀộ gơwèt bal tàm kâp dà lơgar pal ngan ngồn ngac ngar, rơcăng lài lơh jăt ngan ngồn ală jơnau kơlôi sơnơng, jơnau kờñ, kơnòl broă mờ broă lơh mờ Kơrnoăt bơh Dà lơgar dê neh ai tơlik. Tàm pơrjum, Ƀan cấp hàñ Đảng dà lơgar neh ring bal gùng dà lơh Mpồl đơng lam kâp càr bè rơcăng sơndră sa kwề sa kwà mờ bơta ờ niam.

Cau mblàng Lơ Mu K’Yến