VOV4.K’ho- Phó Thủ tướng ồng Lê Văn Thành pa kĭ Kơrnuat sồ 461, ring bal kơnòl crơng gơs rơndap ù tiah tiah Tây Nguyên tơngai bơh nam 2021 tus nam 2030, broă wèt sền tus nam 2050.

Jơnau kờñ bơh broă crơng gơs rơndap ù tiah dê là lam lơh ngan ngồn gùng dà, kơnòl broă mờ broă lơh lơh sa mpồl bơtiàn gơ wèt tus mờ tiah Tây Nguyên là: Tơnguh cồng nha ală bă chi tam kông nghiệp, chi lơh sơnơm, crơng gơs ală mpồl lơh bal tàm lơh sa, lơh gơlik, prap gàr mờ tac phan, bơt bơtàu mat kă bro phan bơna tàm drà kă bro dunia; sền gròi tus bơtàu tơnguh wơl mờ bơtàu tơnguh lơh sa brê; bơtàu tơnguh năng lượng gơlik wơl, bơtàu tơnguh ală anih tờm nhơl chờ dờng, crơng gơs ală tour nhơl chờ tơngume krơi is tiah Tây Nguyên; bơtàu tơnguh cau lơh broă, gàr kơ̆ kơljap làng bol ơm kis, sền gròi lài tus broă prap gàr mờ lơh wơl ală bơta kuơ bơh jŏ, bơta niam chài bơh ală jơi bơtiàn kòn cau Tây Nguyên dê; lơh gùng ù gờl rơndeh ntoat rat mờ lơh niam gùng lòt tàm tiah do, ală gùng lòt tơrbŏ ală càr Tây Nguyên mờ tiah đah mat tơngai lik dà lơgar, tiah kềng gah dà lềng đah jum tàm gùl lơgar mờ đah jum lơgar Lào, tiah đah tô mat tơngai lik lơgar Campuchia.

Cau mblàng K’Duẩn