Jăt mờ hơ̆, càr Khánh Hoà hơ ai 930 tơmàn đong tàm kờp jơh priă bơcri mờr 1 rbô 930 tơmàn đong nàng bơcri priă lơh gơl gùng do, bơnah gam wơl bơh Dà lơgar dê pà . Do là gơl gùng lòt ală tiah đah 3 càr: Khánh Hoà, Ninh Thuận mờ Lâm Đồng. Rơndăp broă lơh gơwèt mpồl rơndăp broă lơh kwơmàng dà lơgar dê, geh priă bơcri lơh kờp jơh là 1 rbô 930 tơmàn đong. Gơl gùng lòt ală tiah tàm tơrbŏ bal ală càr: Khánh Hoà, Ninh Thuận mờ Lâm Đồng geh gơnoar broă kwơmàng ngan tŭ lơh gơlik geh ù tiah pa tàm broă bơtàu tơnguh lơh sa- mpồl bơtiàn tơl ală bơta, dong lòt rê ƀươn ƀoài tàm tơrbŏ bal ală tiah mờ ală kơnhoàl tiah kơh bơnơm bơh càr Ninh Thuận, Lâm Đồng dê, ai tơl ală bơta tơnguh tai ală broă rơndăp lơh pơgồp bal tam lơh, sền gàr niam dà lơgar, lơngăp lơngai tàm tiah đah mat tơngai mŭt càr Khánh Hoà dê.