Tàm ngai kơnòm bơsram lòt bơsram, uă tiah tàm ală càr bè: Sơn La, Yên Bái, Lai Châu... geh mìu, mơya ờ gơrềng uă tus broă lòt rê bơh ală kơnòm dê. Mìng is càr Sơn La, tàm àng drim, jơh gùt ală tiah ndrờm geh mìu dờng, broă lòt rê kal ke bòl glar ngan, mơya mờ bơta dong kờl bơh ală mpồl lơh broă geh gơnoar dê, ngai lòt bơsram bơh ală kơnòm dê kung gam geh ƀuơn ƀoài ngan tàm nùs nhơm chờ hờp, chờ hờñ bơh jơh bal cau pơgru mờ kơnòm bơsram.

Lài mờ tŭ bal mờ kơnòm bơsram gùt lơgar sơnđờm mut nam bơsram pa tàm ngai 5/09 tus, kơnòm bơsram ală hìu bơsram tàm ală càr tàm tiah đah tô mat tơngai mut dà lơgar dê rơ̆p geh 1 poh nàng pơlam tàp broă lơh, lơh jăt jơnau sồr, tus bal pơs wàs hìu bơsram, cơldŭ bơsram. Ală cau pơgru kung geh gơnoar broă là cau bơto pơlam, lơh geh bơta ngăc ngar ai ală kơnòm in nàng sơr băc mhar gơ dờp mờ tiah bơsram pa tơnơ̆ ală ngai ơm rlô bơkang, rcang ai dùl nam bơsram pa hơ pơrgon lơh geh uă cồng nha.