Tàm broă lơh, Thượng tướng Võ Minh Lương, Thứ trưởng Ƀộ Quốc phòng neh ala mat ai ală mpồl ling bơh Ƀộ Quôk phòng dê jàu pà rlau 15 rơbô bơnah phan pà mờ kờp jơh khà priă rlau 10 tơmàn đong ai ală hìu bơnhă kwang bàng, cau ling, cau lơh broă geh rài kis kal ke tàm Ƀiñ đoàn 15 mờ làng bol, cau kra ƀòn, kwang atbồ thôn, cau geh bơngă pin dờn on tàm mpồl bơtiàn jơi bơtiàn dồ ết nă cau tàm tiah nhàr lơgar 2 càr Gia Lai mờ Kon Tum in. Bơdìh mờ hơ̆, broă lơh gam geh ală broă lơh tàm pơrlòng “klơm mbar lơm pòng” , tìp mat lơh kwèng niam chài, đơs crih tam ya, ràng tơlik mờ tăc phan “0 đông”, tăc ală bơta phan drơng kờñ pal geh pà ai làng bol tàm ù tiah do in.

“Sa tềp bơtòm tơrgùm- Nam pa tàm pà bal” là broă lơh geh Mpồl Kông đoàn Quôk phòng mờ Ƀiñ đoàn 15 bơyai lơh pah nam, nàng lơh niam rlau tai nùs nhơm tam klăc bal, “tàm dong kờl bal” mờ pơgồp bơnah bal mờ gơnoar atbồ ală tiah jat kềng gah tiah nhàr lơgar tiah đah tô Tây Nguyên dê sền gròi, dong kờl làng bol wă rò sa tềp tơl làm, ram mhŭ.