Tus tŭ do, tơl bơnah broă rơcang lài ai broă jàu – dờp ling neh geh ală tiah, ală mpồl rơcang wil tơl, ală cau lòt ling kung neh rơcang lài nùs nhơm ai ngai chờ lòt ling in. Tàm dơ̆ rơ wah ling nam 2024, tàm Dăk Lăk geh 2 rbô 553 nă làng bol geh rơ wah lòt lơh kơnòl ling klàng. Jơh ală ndrờm geh pràn kơldang să jan niam, tơl bơta nàng drơng broă tàm mpồl phàu crong. Tàm khà do, geh 3 nă cau ùr, 4 nă cau là đảng viên, 120 nă cau jơh bơsram đại họk, kao đẳng mờ trung kấp. Uă ơruh pơnu neh cih is sră dan lòt ling. Tơngai lài, mpồl duh broă kơnòl ling klàng ală tiah neh lùp còp, pà phan, jòi git, git bơta kơp kờñ, pơn jờng ală làng bol lài mờ tŭ lòt gùng lơh kơnòl ling klàng.