VOV4.K’ho- Ngai do 05/09, rlau 23 tơlak nă kơnòm bơsram tàm jơh gùt lơgar mŭt tàm nam bơsram pa 2022- 2023 mờ tơngume “Tam klăc, bơceh lơh, ai jơh pràn lơh ngan lơh gơs niam ală kơnòl broă mờ jơnau kờñ tam gơl pa, lơh kơ̆ kơl jăp mờ tơnguh uă cồng nha bơto bơtê”. Jăt Ƀộ trưởng Ƀộ Giáo zụk mờ Đào tào ồng Nguyễn Kim Sơn yal, nam bơsram 2022- 2023 geh đơs nền là nam kwơmàng lơh jăt kơnòl broă tam gơl pa bơto bơtê tàm pe kâp, lơh jăt broă bơto bơtê pe kâp nam 2018. Nam bơsram nam do, broă bơto bơtê pe kâp pa jơh ală geh lơh mờ ơdŭ 3, ơdŭ 7 mờ ơdŭ 10 bal mờ uă tam gơl.

Kwơmàng, broă bơto bơsram ơdŭ 7 pa ai gơnoar kơnòm bơsram ơdŭ 7 in sac rwah is Jơnau đơs dà kòn cau halà dà đơs lơgar ndai 2. Bơta do pà gŏ, broă prăp gàr, ngui niam dà đơs ală jơi bơtiàn kòn cau dùl êt nă cau geh sền gròi tơn tàm ală hìu bơsram. Tus tŭ do, rlau 6 tiah tàm jơh gùt lơgar lơh nền ờ sa priă bơsram ai kơnòm bơsram in tàm nam bơsram 2022- 2023, tàm hơ̆ geh: Cần Thơ, Đà Nẵng, Hải Phòng, Bà Rịa- Vũng Tàu, Bắc Kạn, Quảng Ninh.

Cau mblàng Lơ Mu K’Yến