Jăt broă rơndăp lơh, Dơ̆ bơyai lơh Khà jờng Diên Hồng rơ̆p geh bơyai lơh tàm ngai 09/06 tus tàm Kung Niam chài Lơh bơyô Việt Xô. Do là jơnau yal pal kah ngan tàm dơ̆ pơrjum dơ̆ sơnrờp bơh Mpồl duh broă ai điềm Khà jờng Diên Hồng geh bơyai lơh tàm lồi ƀùi mho ngai do tàm Hìu Quôk hội. Do là khà jờng sră ƀăo dờng bè tơngume anih lơh broă làng bol dê pồ, geh gơtha kwơmàng ngan mờ dờp geh bơta sền gròi uă ngan bơh kwang đơng lam bồ Quôk hội dê. Khà jờng neh gơhòi gơ jà bơta tus bal gal ngan bơh ală anih lơh broă sră ƀăo, mpồl ală cau lơh ƀăo dê.

Kờp bơh tŭ lam lơh tus jơh ngai 30/04 pa do, Mpồl Bơyai lơh neh dờp geh rlau 3 rbô jơnau cih pơyua pơrlòng. Ală jơnau cih pơyua pơrlòng neh geh di tŭ tam pà mpồl, tam pà bơta nàng drơng broă lơh ai điềm khà jờng in. Gơwèt mờ ală cau cih, jơnau cih geh khà jờng, Cơldŭ lơh broă Quôk hội rơ̆p pà priă jờng, Sră cơng tàng Khà jờng bal mờ Rùp pơrya Khà jờng; pà priă jờng mờ Sră jờng rơ gơwèt mờ anih lơh sră ƀăo geh khà jờng in.