Dăk Lăk là dùl tàm 12 càr, ƀòn dờng geh Ƀộ Kwang àng rơ wah là tiah lam lơh Dơ̆ tơlik mat lài bơh gùt lơgar. Tàm càr Dăk Lăk geh rlau 9 rbô nă làng bol tus bal mpồl sền gàr lơngăp lơngai, rơndap tap sèng tàm kâp hơ đơm bơh ngai 01 nhai 07. 

Tus bal dơ̆ tơlik mat mpồl tus bal sền gàr lơngăp lơngai kâp hơ đơm tàm càr Dăk Lăk, Trung tướng ồng Lê Quốc Hùng – Thứ trưởng Ƀộ Kwang àng đơs nền bơta kuơmàng bơh ù tiah dờng màng Dăk Lăk – Tây Nguyên dê mờ bơta kuơmàng bơh kơnòl broă sền gàr lơngăp lơngai, rơndap tap sèng tàm kâp hơ đơm, pơgồp bơnah gàr kơ̆ rài lơngăp lơngai làng bol, mpồl rơcang gàr gùt làng bol tàm srơh “Jơh gùt làng bol sền gàr lơngăp lơngai dà lơgar”. Thứ trưởng Ƀộ Kwang àng ồng Lê Quốc Hùng đơs nền 2, 3 kơnòl broă tờm gơ wèt mờ mpồl sền gàr lơngăp lơngai tàm kâp hơ đơm mờ ală kâp, gah broă lơh tàm càr Dăk Lăk.