VOV4.K’ho- Kòp bơtờp bulah gơ rềng ờ niam tus drà kă bro cau lơh broă, mơya tơnơ̆ sa tềp sền bal cau lơh broă rê wơl anih lơh broă di tŭ tơngai hơ pơrgon. Jat khà tơrgùm kờp mhar tàm gùt lơgar ai gŏ, geh tus rlau 90% kông ñân, cau lơh broă tàm gùt lơgar neh rê lơh broă wơl tơnơ̆ sa tềp. Uă mpồl lơh sa kă bro neh lơh broă wơl, sơn đờm lơh broă bơh ngai 5 sa tềp. Khà gam wơl uă ngan sơn đờm lơh broă tàm ngai 7 mờ ngai 8 sa tềp.

Tàm càr Bình Dương, ală mpồl lơh sa kă bro neh rò kông ñân rê lơh broă wơl bơh ngai 7, ngai 8 sa tềp. Jat hơ̆, khà cau lơh broă rê lơh broă wơl tơnơ̆ sa tềp di mờ tơngai geh sồr bơh mpồl lơh sa kă bro dê uă ngan, geh bơh 80 tus 90%. Tàm ală tiah geh anih lơh sa mờ măi mok dờng bè Đồng Nai, ƀòn dờng Hồ Chí Minh, khà kông ñân rê lơh broă wơl kung geh pơgap 90%. Tàm Hà Nội, jat khà tơrgùm kờp bơh Liên đoàn Lao động ƀòn dờng dê, kờp tus ngai 07/02, rlau 90% khà mpồl lơh sa kă bro neh pờ mpồng neh lơh broă wơl bal mờ rlau 96% khà kông ñân cau lơh broă rê lơh broă wơl.

Cau mblàng K’Duẩn