Ai jơnau đơs tàm dơ̆ pơrjum, Củ tịc Quôk hội ồng Trần Thanh Mẫn đơs loh, Quôk hội khoă XV neh bơyai lơh ală cribơyai, pơrjum geh bơta gơ rề tàm mpồl bơtiàn, geh cau tĕ khà mờ làng bol sền gròi. Cribơyai dơ̆ do là broă lơh dipal nàng tơnguh broă lơh jat sền bơh Quôk hội dê, di mờ gơnoar broă bơh Quôk hội dê là lơh adat boh lam, jat sền dờng ngan rlau jơh mờ lơh nền ală broă kuơmàng bơh dà lơgar dê.

Củ tịc Quôk hội đơs nền broă lơh rơcang lài pal wil tơl, jơh nùs, di mờ bơta geh ngan bơh ală anih lơh broă Quôk hội dê; geh broă lam lơh dờng, ơnàng, cèng bơta tơl làm, gơ glòm jơh ală bơta, tàm hơ̆ tơngume tờm bơh Cribơyai dê kung pal geh kờp dŭ, cribơyai dồ bă nền nòn, tơrgùm tàm ală broă tờm pal bơsong. Cribơyai pal geh jơnau đơs, jơnau dan mùl màl, geh kuơ tàm broă lơh jat sền; gàr bơta ngan ngồn, geh cồng nha bơh ală broă lơh dê là nàng bơtàu tơnguh lơh sa – mpồl bơtiàn bơh dà lơgar dê.