Mho òr (07/04), Mpồl kwang bàng lơh broă bơh Ƀộ Y tế geh Thứ trưởng ồng Trần Văn Thuấn lam bồ mpồl kwang bàng neh geh dơ̆ lơh broă mờ UɃÑZ càr Dăk Lăk bè broă lơh jăt rơndăp broă lơh Hìu sơnơm Dà lơgar tiah Tây Nguyên.

Rơndăp broă lơh Hìu sơnơm Dà lơgar tiah Tây Nguyên gơwèt Ƀộ Y tế mờ bơta dờng tus 500 nơm jơnờng piam kòp, kờp dŭ geh lơh tàm sơnah ƀòn Tân An, ƀòn dờng Buôn Ma Thuột, càr Dăk Lăk mờ bă ù ơnàng di pơgăp 15,6 lồ. Càr Dăk Lăk neh sền ù tiah, lơh gùng dà tơm ntrờn, lơh ƀòn ơm kis pa, kờp dŭ khà priă lơh di pơgăp 147 tơmàn đong. Tàm dơ̆ lơh broă, ală kwang bàng neh tơrgùm cri bơyai bè broă tơm ntrờn ù tiah tàm rơndăp broă lơh; rơcang mờ bơto cau lơh broă geh bơta ngăc ngar uă cau ai Hìu sơnơm in; sền wơl broă tam gơl măt sơnđan Hìu sơnơm nàng pleh mờ broă gơtìp ndrờm bal mờ ală hìu sơnơm ndai; Thứ trưởng Ƀộ Y tế ồng Trần Văn Thuấn đơs niam broă pơgồp bal bơh càr Dăk Lăk dê gơwèt mờ broă rơcang bơcri priă lơh Hìu sơnơm Dà lơgar tiah Tây Nguyên. Ồng kơ̆p kờñ tàm tơngai tus, càr pơn jăt tai geh ală broă dong kờl Ƀộ Y tế lơh mhar broă lơh ală sră nggal adăt boh lam nàng lơh rơndăp broă, broă tơm ntrờn ù tiah...