VOV4.K’ho- Di ngai dunia cau ùr 08/3, mho ngai 04/3, lòt còp mờ nting bơr gờm chờ Mpồl tam klac cau ùr dà lơgar Việt Nam, Ủy viên Ƀộ Cíñ trị, Phó Củ tịc Thường trựk Quôk hội ồng TrầnThanh Mẫn sồr pal rơcang niam nàng lơh geh cồng nha pơrjum dờng cau ala mat cau ùr gùt lơgar dơ̆ 13 mờr tus. Ala mat kwang đơng lam bồ Đảng dà, lơgar, Quôk hội, ồng Trần Thanh Mẫn pơyua jơnau nting bơr gờm chờ niam ngan rlau jơh tus Mpồl tam klac cau ùr Việt Nam kung bè jơh gùt oh mi cau ùr tàm gùt lơgar sùm pràn kơldang, chờ hờp mờ lơh geh cồng nha.

Mờ tơngume “Ring bal ngai do tài dùl ngai hìng kơ̆ kơljap” bơh ngai dunia cau ùr 08/3 nam do dê, ồng Trần Thanh Mẫn đơs nền, kwang đơng lam bồ Đảng, dà lơgar, Cíñ phủ, Quôk hội geh pơn jat tai lơh gơlik tơn bơta ƀuơn nàng cau ùr kwang bàng, kông cứk, viên cứk, đoàn viên kông đoàn tơnguh jơh bơta pràn, ai tơnggŏ pràn jak, bơngă pin dờm bơh să tờm dê, lơh geh uă cồng nha niam, tă pơgồp uă rlau tai tàm broă lơh tam gơl pa dà lơgar tàm tơngai tus.

Cau mblàng K’Duẩn