Nàng gàr kơ̆ kơl jap khà priă tàm drà kă bro di satềp Quý Mão 2023, Ủy ƀan Ñân zân càr Dăk Lăk neh tă rơlao 1 rbô 500 tơmàn đong nàng prap gàr phan bơna pal geh.

Mpồl phan pal tơrgùm gàr kơ̆ kơljap khà priă tàm tơngai lồi nam 2022 mờ satềp Quý Mão 2023, geh: kòi phe (geh phe ờs, phe bơkah lơh geh tàm lơgar), phan sa (geh poac sur, poac iar ơda, tap iar ơda, dà tơngi, sơdàng, ƀòk ngòk mờ ală bơta phan sa lơh gơlik, biap, kơnuh, plai chi), xăng zờu. Tơngai gàr kơ̆ kơljap khà priă bơh ngai 30/11/2022 tus ngai 30/2/2023. Tŭ do neh geh 10 mpồl lơh sa kă bro tàm càr Dăk Lăk bơt bơtàu broă rơndap lơh rơcang lài phan bơna, prap gàr phan ngui sa, xăng zờu; drơng mờr 1/4 jơnau kờñ ngui sa bơh làng bol dê. Bơdìh hơ̆ tai, dùl khà uă ngan phan bơna geh prap gàr tàm ală anih tac phan, ală drà tàm càr kung là dùl gah drơng jơnau kờñ ngui sa bơh làng bol dê tàm dơ̆ satềp.