VOV4.K’ho - Ngai òr (12/05), Sở Lao động, Thương binh mờ Xã hội pơgồp bal mờ Tỉñ Đoàn Kon Tum bơyai lơh “Ngai broă lơh nam 2022” ai cau lơh broă tàm càr do in.

                                                    Pơlam jòi broă lơh cau lơh broă in

Neh geh rơlao 750 nă cau lơh broă, cau bơsram dờng, cau ling rơcang jơh lòt ling, đoàn viên ơruh pơnu tus bal. Tàm khà do geh 570 nă cau lơh broă geh ală mpồl rơwah cau lơh broă pơlam, lùp tơn mờ khà cau lơh broă geh rơwah geh mờr 20%. Tàm ngai bal, Mpồl bơyai lơh kung neh ai mờr 60 nă cau lơh broă lòt lơh broă tàm càr Bình Dương. Bơdìh hơ̆ tai, geh 8 nă cau lơh broă di pal mờ broă kờñ rơwah lòt lơh broă tàm Đài Loan. Tàm ngai broă lơh, neh geh 49 mpồl lơh sa kă bro, anih lơh broă dan cih măt kờñ rơwah rơlao 5 rơbô 200 nă cau lơh broă tàm càr, càr ndai mờ lòt lơh broă hờ lơgar bơdìh jăt hợp đồng lơh broă. Bơdìh hơ̆ tai, bàr hìu bơsram Cao đẳng, do là hìu bơsram bơto geh cau kờñ rơwah mŭt bơsram nam 2022-2023 mờ rơlao 3 rơbô nă cau.

Cau mblàng Ndong Brawl