Mờ tơngume “Ơruh pơnu lam lơh lài dong kờl is tài rài kis mpồl bơtiàn”, broă lơh geh bơyai lơh uă broă lơh, bè: kham kòp, pà sơnơm ờ sa priă ai làng bol ƀòn Drang Phốk, xã Krông Na; jàu priă bơsram Kòn ròng mpồl ling sền gàr tiah nhàr lơgar in; pà rơndeh coh ai kơnòm bơsram sơr lèt gan kal ke bơsram jak; jàu priă sơnđờm mut lơh broă ai ơruh pơnu in; sơnđờm mut lơh 1 nơm hìu kờñ gơboh kòn bơnus mờ 1 nơm hìu jă brê ai oh in. Bơyai lơh ai cau lòt lơh broă ală mpồl ơruh pơnu dong kờl is lơh “gar sơntìl”, Tam gơl sồ mờ gàr niam lơngăp lơngai gùng lòt. Dong kờl priă jền lơh broă lơh rùp Wa Hồ mờ Cau ling sền gàr tiah nhàr lơgar...

Bal mờ hơ̆, tàm dơ̆ do, Tỉñ đoàn càr Dăk Lăk neh jàu pà 20 nơm sră wăc sềr ù tiah “Pơn yờ să dùl sèng ù tiah dà ia brê bơnơm” ai Brê Dà lơgar Yok Đôn mờ ală Pôs đồng ling sền gàr tiah nhàr lơgar: Yok Đôn, Bo Heng mờ Serepok in. Lòt còp, pà phan hìu bơnhă cau ling gam lơh kơnòl broă tàm tiah nhàr lơgar. Kờp jơh priă tă lơh broă lơh là rlau 400 tơlak đong.