Do là broă lơh geh kwơ ngan tàm broă lơh Sơnam pa lơh broă dong kờl is- Sa tềp kờñ gơboh kòn bơnus bơh rơnàng kơnòm să càr Dăk Lăk dê wèt tus cau rƀah mờ ală cau lơbơn lơñô tàm dơ̆ sa tềp bơhiàn yau dà lơgar dê nam Giáp Thìn 2024.

Tàm broă lơh do, mpồl bơyai lơh neh jàu pà 500 bơnah phan, tơl bơnah phan geh ală phan ngui sa kờñ pal geh, kờp priă 300 rbô đong lời pà ală làng bol geh rài kis kal ke, cau kwĕt kơlte, cau kra ơm kis is dồ nă să tàm ƀòn dờng Buôn Ma Thuột. Broă lơh gơ ơm tàm dồ ròt ală broă lơh Sơnam pa kờñ gơboh kòn bơnus- sa tềp tam pà bal bơh rơnàng kơnòm să càr Dăk Lăk lam lơh tàm jơh gùt càr.

Jăt mờ hơ̆, bal mờ ală priă jền bơh ală Huyện, thị, thàñ đoàn dê hòi jà tă pơgồp, Tỉñ đoàn càr Dăk Lăk kung hòi jà tă pơgồp geh rlau 1 tơmàn 200 tơlak đong mờ pơgồp bal mờ ală mpồl lam lơh broă lơh nùs nhơm dong kờl is tàm ală tiah làng bol ơm kis, anih tờm sền gàr dong kờl mpồl bơtiàn mờ còp, pà phan ală ơruh pơnu cau lơh phan, cau lơh broă tàm mang tàm jàu sơnam. Do là broă lơh geh kwơ ngan wèt tus ală cau lơbơn lơñô nàng dong khi geh wă rò sa tềp bơhiàn yau dà lơgar dê dồ bă wil tơl mờ chờ hờp chờ hờñ rlau.