Tus tŭ do, rơndăp broă lơh gùng rơndeh lòt mhar Vạn Ninh (Quảng Bình)- Cam Lộ (Quảng Trị) neh lơh sir mờr 45 kơi sồ bơnàng gùng, lơh geh mờr 72%. Tàm tiah lơh gùng tŭ do geh 70 mpồl lơh rbàng, gùng, rbòng dà, gùng brong mờ mờr 660 phan bơna măi mok mờ rlau 1 rơbô 500 nă cau lơh phan.

Gơ jal ngan trồ tơngai niam, phan bơna neh geh, ală cau bơcri priă gam lơh mhar tŭ tơngai mut lơh mờ bơtơl wơl mpồl broă gam ờ tơl pơndrờm mờ khà kờp dŭ lài. Kwang đơng lam bồ càr Quảng Bình mờ càr Quảng Trị hơ rơ̆p lơh sir broă lơh ai ù tàm nhai 7 nàng mpồl lơh broă in mut lơh broă ƀuơn ngan. Tơnơ̆ tơngai do rơ̆p sồr ală mpồl lơh broă geh gơnoar rồn bơklơn, sền gàr broă lơh jat jơnau sồr. Di lah jơh nùs lơh ngan uă, Rơndăp broă lơh gùng rơndeh lòt mhar Vạn Ninh- Cam Lộ gơtùi sơnđờm ai lòt rê mờ tơmut tàm broă lòt rê di tòm ngai 30/04 nam 2025.