VOV4.K’ho- Jơnau yal bơh Mpồl atbồ Rơndap broă lơh bơcri priă lơh ală broă lơh gùng lòt càr Kon Tum pà gĭt, tus tŭ do Rơndap broă lơh lơh niam wơl ală gơl gùng ờ niam tàm gùng dờng 24 gơl lòt gan ù tiah càr Kon Tum sền bal là neh lơh sir.

Mut lơh tơngai lồi dŭt rơndap broă lơh lơh niam wơl ală gơl gùng ờ niam tàm gùng dờng 24 gơl lòt gan kơnhoàl Kon Plông, càr Kon Tum

Bè hơ̆, lồi dŭt broă lơh niam wơl gơl gùng kung neh lơh sir geh lơh di tơngai 30/06, tơngai mờ Ƀộ Giao thông Vận tải neh pal tam gơl dơ̆ 2 gơwèt mờ tŭ tơngai mut lơh rơndap broă lơh do dê. Ồng Đàm Phúc Tuyên, Kwang atbồ Mpồl atbồ Rơndap broă lơh bơcri priă lơh ală broă lơh gùng lòt càr Kon Tum pà gĭt, rơndap broă lơh kờp jơh bơta jòng là 31 kơi sồ, tàm hơ̆ 9 kơi sồ gơl gùng lòt gan ƀòn dờng Kon Tum mờ kơnhoàl Kon Rẫy. Rơndap broă lơh bơnah 2 gơwèt Rơndap broă lơh lơh niam wơl ală gơl gùng ờ niam tàm gùng dờng 24 gơl lòt gan ù tiah càr Kon Tum geh kờp jơh khà priă bơcri lơh là 847 tơmàn đong, sơnđờm mut lơh ngai 23/07/2020. Rơndap broă lơh geh bơta jòng 31 kơi sồ bơh Sở Giao thông Vận tải càr Kon Tum dê lơh cau tờm bơcri priă lơh.

Cau mblàng K’Hạnh