6 nhai bồ nam, kờp jơh phan bơna bơh càr Dăk Nông dê geh mờr 9 rbô 600 tơmàn đong, gơguh rlau 5%, ơm dơ̆ 2 tiah Tây Nguyên. Tơm priă dia dà lơgar geh mờr 1 rbô 500 tơmàn đong. Tàm kờp jơh khà 3 rbô 200 tơmàn đong priă bơcri dà lơgar dê nam 2024, tus jơh nhai 06, càr pa ai geh priă pơgăp 27%.

Is ồn là bơnah priă 3 broă lơh jơnau kờñ dà lơgar dê tàm ù tiah càr tŭ do tam pà mờ ai priă gam lơyài. Mpồl Duh broă Làng bol càr Dăk Nông đơs, geh uă bơta gam gơkòl, ờ hềt dipal tàm bơtàu tơngguh lơh sa- mpồl bơtiàn bơh càr dê. Tàm hơ̆, ală gơkòl, tàm rơndăp tàm rơndồl rơndăp ù tiah phan kwơ tàm ù, ngan là bauxite gam lơh gơrềng ờ niam tus broă lơh jăt ală kơnòl broă lơh sa bơh càr dê. Càr Dăk Nông tơrgùm kờp geh tus rlau 1 rbô rơndăp broă lơh, broă bơ̆t bơtàu tàm bă ù ơnàng 6 rbô 700 lồ gơtìp tàm rơndăp tàm rơndồl mờ rơndăp ù tiah bauxite. Càr neh uă dơ̆ dan mờ Dà lơgar mơya tus tŭ do kung gam ờ hềt geh tă bơsong sơl.