Jơnau rcang cih rơndăp ù tiah ai jơnau kờñ tus nam 2030: 100% anih lơh ƀăo, anih pờ tơlik jơnau đơs, anih sơñio rùp lơh jat tam gơl sồ, tam gơl pa tơl làm broă lơh, mut lơh broă broă lơh cih jơnau tơrgùm bal jat gùng dà broă lơh sră ƀăo sồ. Pơn jat tai bơcri priă, bơtàu tơnguh 6 anih mblàng yal tờm ngan uă gah, geh Anih sơñio rùp Việt Nam, Anih Jơnau đơs Việt Nam, Thông tấn xã Việt Nam, Ƀăo Ñân zân, Ƀăo Ling klàng làng bol, Ƀăo Kwang àng làng  bol dờng pràn, gàr niam gơnoar broă tề lam tàm gah lơh ƀăo dê.

Phó Thủ tướng ồng Trần Lưu Quang jàu Ƀộ Thông tin mờ truyền thông in kờp sền lơh sir jơnau rcang cih mờ jơnau pal jat tơrgùm bal tàm ală bơta, gùng dà pơlam, geh ngan, cèng bơta pờ, mơya ờ geh tam pìt tàm pà mờ ală jơnau cih ală rơndăp ù tiah bdai mờ gàr niam bơta gơtùi lơh.