Đơs đơng lam pơrjum, Phó Thủ tướng Cíñ phủ ồng Trần Lưu Quang đơs nền, Dăk Nông pal sac rơ wah tàm bơcri priă mờ hòi jà bơcri priă. Tềng đap mat pal bơsong 2 broă, rơndap ù tiah phan kuơ tàm ù mờ rơndap ù tiah ngui ù. Rơndap ù tiah tŭ do ờ hềt gơtùi bơsong mơ ală kòl yan, mơya geh ai tơlik lài gùng dà ai càr in bơtàu tơnguh tàm tơngai tus. Phó Thủ tướng ồng Trần Lưu Quang pà càr Dăk Nông in 8 akhar “lơh jat, ngac ngar, ring bal, git loh” nàng bơtàu tơnguh.

Tàm pơrjum, càr Dăk Nông neh jàu sră cơng tàng bơcri priă 4 rơndap broă lơh mờ kờp jơh priă bơcri cih tàm sră là 1 rbô 700 tơmàn đông. Càr kung kĭ sră cih kah lơh broă bal mờ 4 nă cau bơcri priă, kờp jơh priă bơcri cih tàm sră 8 tơmàn 400 tơlak dolar Mỹ, tơrgùm tàm ală gah phan kuơ tàm ù, năng lượng lơh geh wơl, lơh sa suơn sre ngui măi mok pa mờ 2, 3 gah broă ndai.