Sră wac sềr rùp Rơndap ù tiah do là phan bồ tơngoh mpồl bal, lơh ngan tam klac bal sơrlèt gan kal ke bơh Điện Biên tơnơ̆ 3 nam kờp bơh ngai Thủ tướng Cíñ phủ ring bal kơnòl broă lơh rơndap ù tiah càr. Bơh tŭ do tus nam 2030, càr Điện Biên kung geh rơndap ù tiah nàng gơ gơs là dùl tàm ală tiah tờm lòt nhơl, broă drơng ala, lơh sơnơm bơh tiah do, gơ jat bal mờ 4 bơta gơn kơnờm, 3 tiah lơh sa mờ 4 gah lơh sa, lơh broă bơcri priă rơndap ap sèng phan bơna gùng lòt lơh lài là bơta tam gơl pràn.

Đơs đơng lam pơrjum tàm Pơrjum yal rơndap ù tiah, Phó Thủ tướng Cíñ phủ ồng Trần Hồng Hà đơs là, Rơndap ù tiah càr rơp lơh gơlik bơta gơn kơnờm, bơta gơ rề pa ai Điện Biên in. Bulah bè hơ̆, do rơp mìng là bơta sơn đờm, Điện Biên pal sền gròi lam lơh geh cồng nha Rơndap ù tiah, wèt tus bơtàu tơnguh tơlir, kơ̆ kơljap, dipal mờ bơta pràn mùl geh.