VOV4.K’ho - Drim òr (24/02), tàm Pơrjum Mpồl đơng lam Đảng ƀộ ƀòn dờng Hà Nội, cri bơyai bè rơndăp broă tơn jơh 10 nam lơh jăt Nghị kuyết sồ 11 bơh Ƀộ Cíñ trị bè gùng dà, kơnòl tơnguh bơtàu Càr lơgar tàm tơngai bơh nam 2011 tus 2020 mờ jơnau yal sền wơl, đơs bè rơndăp ù tiah bơ̆t bơtàu Càr lơgar neh geh kĭ mờ gùng dà kơlôi sơnơng lơh niam wơl khà rơndăp ù tiah bơ̆t bơtàu Càr lơgar Hà Nội tus nam 2030, wèt tus nam 2050, pơgồp bal mờ gùng dà broă tơnguh bơtàu ƀòn dờng Hà Nội, uă jơnau đơs sồr ai rơndăp ù tiah tơnguh bơtàu càr lơgar pal kơlôi tus mờ broă chồl pràn tơnguh bơtàu lơh sa nhơl chờ.

Ală kwang bàng kung đơs là rơndăp ù tiah lơh ƀòn lơh broă, rơndăp ù tiah lơh ală tiah nhơl chờ kung pal geh loh làng broă pơgồp bal nàng hòi jà cau năc; pal sền kwơ tus mờ bơta niam dà dờng Hồng, ai geh bơta niam tàm broă ai rơndăp ù tiah tơnguh bơtàu ƀòn dờng.

Cau mblàng Ndong Brawl