VOV4.K’ho- Drim ngai 22/02, geh lơh dơ̆ kĭ sră cih kah lơh broă bal bơtàu tơnguh Hìu măi ngac ngar đah Ƀộ Kông thương mờ Samsung Việt Nam mờ jơnau kờñ bơto bơtê 100 nă cau jak chài Việt Nam mờ dong kờl pơlam, lơh niam 50 mpồl lơh sa kă bro ngui hìu măi ngac ngar tàm 2 nam (2022- 2023) nàng kờñ tơnguh bơta pràn mờng chài lơh broă bơh Mpồl jak chài pơlam broă tàm lơgar dê, tơnguh pràn jak đơng pơlam broă lơh sa tàm bơnàng jă kông nghệ thông tin bơh mpồl lơh sa kă bro dê.

Đơs tàm dơ̆ bơyai lơh, Ƀộ trưởng Ƀộ Kông thương ồng Nguyễn Hồng Diên đơs là, broă mìng ngui ală kông nghệ sồ tàm hìu măi ờ ndrờm mờ broă geh lơh gơs ală mpồl tac phan sồ mờ đơng pơlam is, lơh broă is, sồr pal geh bơta tàm tơrbŏ bal tơl broă lơh geh lơh tàm dơlam mờ bơdìh mpồl lơh sa kă bro, bơh broă crơng gơs broă rơndap lơh tus rơndap broă blơi phan.

Cau mblàng K’Duẩn