VOV4.K’ho- Ngai 15/03, Mpồl Rơndăp broă Dà lơgar bơyai lơh Pơrjum bơsram mờ lam lơh jăt Jơnau sồr sồ 58 bơh Ƀộ Cíñ trị dê “Bàr pe broă sền gàr cíñ trị tàm dơlam is Đảng dê” mờ ai jơnau đơs bè jơnau rơcăng cih Jơnau bơto pơlam lơh jăt Jơnau sồr. Jơnau sồr sồ 58 bè sền gàr cíñ trị tàm dơlam is Đảng geh 7 bơta pa, tàm hơ̆ pal sền ngăc ngan jơnau sồr bơtơl khà ai rơndăp gơwèt mờ kwang bàng, đảng viên geh broă cíñ trị kal ke mơya ờ lơh tìs Jơnau sồr do.

Gùt anih bơyai lơh dơ̆ pơrjum

Đơs tàm Pơrjum, mò Trương Thị Mai, Kwang ătbồ Mpồl Rơndăp broă Dà lơgar đơs sùm: sền gàr cíñ trị tàm dơlam is là broă kơrhia ngan dờng màng ngan, gơ sồr bơta kơ̆ kơl jăp, kơrhia ngan nàng sền gàr broă cíñ trị tàm dơlam is ờ mìng ai Đảng in lơm mờ gam là màng kis cíñ trị bơh kwang bàng, đảng viên dê in tai. Den tàng bè hơ̆, kờñ pal geh pơn jăt tai kơlôi sơnơng, bơsram mờ lơh jăt nàng lơh geh bơta ring bal bè đah gĭt wă, loh làng bè đah jơnau đơs jơnau kơlôi lài mờ tŭ ai tơmŭt bơsong ală broă geh ngan tàm rài kis.

            Cau mblàng Lơ Mu K’Yến