Jơnau yal bơh Mpồl đơng lam rơcang sơndră trồ tiah lơh aniai- Jòi dong kờl rềs àr mờ rơcang gàr làng bol càr Kon Tum dê mờ mpồl kwang bàng lòt lơh broă ai gŏ, tus tŭ do, jơh 102 xã, sơnah ƀòn, thị trấn bơh càr dê neh lơh Mpồl lam lài rơcang sơndră trồ tiah lơh aniai mờ rlau 5 rbô 200 nă cau; jơh 10 kơnhoàl, ƀòn dờng neh tơl khà, tơl bơta pal geh nàng lơh jat jơnau kờñ tàm rài kis làng bol mờ jat jơnau sồr bè rơcang sơndră trồ tiah lơh aniai tàm ƀòn lơgar tơn; yal tơnggit jơnau, tàm yal jơnau drơng broă lơh đơng lam, sồr lơh tàm broă rơcang sơndră trồ tiah lơh aniai geh gàr niam.

Đơs tàm dơ̆ lơh broă, ồng Phạm Đức Long đơs nền tus jơnau đơs “4 tơn tàm dùl anih” tàm rơcang sơndră trồ tiah lơh aniai; broă sơlơ tơnguh broă lơh mblàng yal jơnau, bơt bơtàu broă rơndap lơh rơcang sơndră trồ tiah lơh aniai, bal mờ hơ̆ là di tŭ tam gơl broă rơndap lơh, rơndap broă rơcang sơndră trồ tiah lơh aniai tềng đap ală gơlik geh nisơna ngan bơh trồ tiah dê.