VOV4.K’ho- Pơn jat tai pơrjum dơ̆ 8 bơh Ủy ƀan Thường vụ Quôk hội dê, ngai do (16/02), Ủy ƀan Thường vụ Quôk hội sền sơ wì jơnau rơcang cih Nghị quyết tam gơl kơrnuat lơh broă bơh Ủy ƀan Thường vụ Quôk hội dê. Kơrnuat lơh broă bơh Ủy ƀan Thường vụ Quôk hội dê geh ai tơlik bơh nam 2015 mờ neh mpờl gŏ ală bơta ờ niam, 2, 3 jơnau cih ờ hềt dipal mờ jơnau kờñ ngan ngồn.

Broă ai tơlik Nghị quyết tam gơl kơrnuat lơh broă bơh Ủy ƀan Thường vụ Quôk hội dê là bơnàng jă adat boh lam kuơmàng nàng Ủy ƀan Thường vụ Quôk hội in lam lơh kơnòl broă, gơnoar broă di mờ jơnau cih, lơh broă geh bơta rơndap sap sèng niam, mờng chài rlau. Mờ kung lam lơh niam gơnoar broă là anih lơh broă sùm bơh Quôk hội dê, pơgồp bơnah uă ngan tàm broă tam gơl pa, tơnguh cồng nha lơh broă bơh Quôk hội dê đơs bal, ală anih lơh broă bơh Quôk hội dê đơs is.

Cau mblàng K’Duẩn