VOV4.K’ho- Tềng đăp bơta lơh lơyài ngan tàm broă lam lơh jăt broă lơh tơm priă ai ală hìu bơnhă làng bol gơtìp gơrềng tàm tiah dơlam tơnau dà broă lơh hìu măy pờ tơlik ồs đèng Đăk Psi 5, Sở Kông thương càr Kon Tum neh sồr cau tờm bơcri priă rơndăp broă lơh do là Kông ty Kổ phần Đức Thành Gia Lai pal lơh sir broă tă tơm priă dong kờl ai ală hìu làng bol gơtìp gơrềng in lài mờ ngai 30 nhai 6 do, dilah ờ, Sở geh dan mờ Ủy ƀan Ñân zân càr sồr Tổng Kông ty Ồs đèng tiah tàm gùl lơgar ơm ing hòi tơrgùm bơta pràn lơh broă hìu măy.

Dùl sươn kơphê gơtìp gơrềng tài bơh hìu măy pờ tơlik ồs đèng Đăk Psi 5

Jơnau gơlam tus broă lơh lơyài tàm broă tơm priă, dong kờl ală hìu làng bol gơtìp gơrềng tàm tiah dơlam tơnau dà hìu măy pờ tơlik ồs đèng Đăp Psi 5 jăt Sở Kông thương càr Kon Tum dê đơs, là tài bơh Kông ty Kổ phần Đức Thành Gia Lai gam tuh kơnòl tài bơh trồ tiah lơh aniai mờ broă pờ ngui bơh ală broă lơh hìu măy pờ tơlik ồs đèng kơnă hơđang den tàng ờ geh kơnòl tàm broă đơng lam, pơgồp bal...lòt sền, kờp sền, tơrgùm kờp hoàc hươr lơh jăt tơm wơl, dong kờl ai ală hìu bơnhă làng bol in jăt jơnau sồr nàng kơ̆ kơl jăp lơh sa gơlam tus broă sồr uă dơ̆ mờ jŏ jòng.

Cau mblàng Lơ Mu K’Yến