Tàm dơ̆ lòt còp lơgar Cuba, Củ tịc Quôk hội ồng Vương Đình Huệ kờp dŭ rơ̆p geh jơnau đơs tàm Quôk hội lơgar Cuba dê di tàm ngai 19/04, ngai Tam lơh pha lin  Girón (19/4/1961-19/4/2023) mơkung là ngai Quôk hội lơgar Cuba khoă X rơ̆p bơyai lơh pơrjum sơn rờp tơnơ̆ dơ̆ Tĕ khà dờng geh bơyai lơh tàm ngai 26/03 pa do.

Do kung là “broă lơh kah yau” mờ “Kwơ màng ngan rlau jơh” tài bơh bơta do mìng gơtùi gơlik geh tài bơh hơ̆ là bơta gĭt gơ̆p đah lơgar Cuba mờ Việt Nam mờ tài bơh bơta gĭt gơ̆p “Kwơ màng ngan rlau jơh” đah 2 lơgar dê. Kờp dŭ tàm dơ̆ lòt còp lơgar Cuba, Kwang đơng lam bồ Quôk hội 2 lơgar rơ̆p kĭ Jơnau ring bal bè lơh mpồl lơh broă bal ală nghị viện đah 2 Quôk hội dê nàng kờñ sơlơ tơnguh tai cribơyai bơta mờng chài lơh broă kung bè dong kờl bal mờ gơ̆p tàm ală dơ̆ pơrjum ală Nghị viện tàm tiah do mờ tàm dunia; pơgồp bal sơlơ jat sền tai ală jơnau ring bal lơh broă bal đah 2 gah, bơh hơ̆ ai bơta lơh broă bal đah lơgar Việt Nam mờ Cuba ngai sơlơ geh mŭt lơh ngan ngồn mờ geh cồng nha.