VOV4.K’ho- Mho ngai 14/4, Củ tịc lơgar ồng Nguyên Xuân Phúc neh sền dơ̆ kĭ Kơrnuat pơgồp bal đah Cơldŭ lơh broă Củ tịc lơgar mờ Anih cah rơña làng bol dờng ngan rlau jơh dà lơgar, Viện Kiểm sát Ñân zân dờng ngan rlau jơh dà lơgar. Đơs tàm dơ̆ bơyai lơh, Củ tịc lơgar ồng Nguyễn Xuân Phúc đơs, ală tơngai lơh broă lài, broă lơh pơgồp bal đah Cơldŭ lơh broă Củ tịc lơgar mờ Anih cah rơña làng bol dờng ngan rlau jơh dà lơgar, Viện Kiểm sát Ñân zân dờng ngan rlau jơh dà lơgar mờ ală anih lơh broă khối nội cíñ, sền gàr adat boh lam sùm nền nòn, jơh nùs, lơh geh uă cồng nha pal cih dờp ngan. Bơh hơ̆, pơgồp bơnah gàr niam lam lơh gơnap gơnoar, kơnòl broă bơh tơl anih lơh broă dê.

Củ tịc lơgar ồng Nguyễn Xuân Phúc sồr Ƀan Nội cíñ dà lơgar, Anih cah rơña làng bol dờng ngan rlau jơh dà lơgar, Viện Kiểm sát Ñân zân dờng ngan rlau jơh dà lơgar, Ƀộ Kwang àng, Ủy ƀan sền gàr adat boh lam bơh Quôk hội dê mờ Cơldŭ lơh broă Củ tịc lơgar pal geh bơta pơgồp bal jơh nùs, lơh sùm mờ geh cồng nha rlau. Củ tịc lơgar sồr ală sră cih kơrnuat geh kĭ dơ̆ do pal geh lam lơh jat uă mờ lam lơh dùl bă jơh nùs bơh kwang đơng lam bồ tus ală mpồl lơh broă ờs mờng, ngan là ală kwang bàng, cau lơh broă ờs mờng lơh broă tơn.

Cau mblàng K’Duẩn