Sơlơ tơnguh broă lơh sơndră kă bro tìs mờ adat boh lam, kă bro kơñau mờ phan ờ ngan tàm internet
Thứ sáu, 11:08, 21/04/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Tàm ƀòn dờng Buôn Ma Thuột, càr Dăk Lăk, Cơldŭ lơh broă Thường trựk Mpồl đơng lam sồ 389 dà lơgar bơyai lơh Pơrjum pơlam tàp bè sơndră kă bro tìs mờ adat boh lam, kă bro kơñau mờ phan ờ ngan tàm broă lơh kă bro điện tử ai mpồl lơh broă geh gơnoar ală càr tàm tiah Tây Nguyên mờ càr Khánh Hòa, Phú Yên in.
Tàm dơ̆ pơrjum, mờr 200 nă kwang bàng gơwèt ală mpồl atbồ drà kă bro, kwang àng, mpồl ling sền gàr tiah nhàr lơgar, thanh tra... bơh ală càr neh geh bơto pơlam ală tơngume bè sền gĭt gùng dà broă lơh, broă lơh mờ bàr pe broă lơh sơndră kă bro tìs mờ adat boh lam, kă bro kơñau mờ phan ờ ngan tàm broă lơh kă bro điện tử.
Tơrgùm jơnau yal tơngĭt, sră pơ àr, cơng tàng bè broă lơh lơh tìs adat boh lam; lơh glài broă lơh tìs mờ priă jền tàm gah yal tơngĭt jơnau mờ kă bro phan ờ ngan, phan kơryan ờ ai bơh gùng bưu cíñ mờ Internet; mpồn ờ tơm priă dia mờ broă lơh lơh glài tàm broă lơh kă bro điện tử; lơh tìs gơnoar geh ngui bồ tơngoh jak tàm anih kă bro điện tử.
Viết bình luận