Cribơyai là dơ̆ nàng iăt kơno mpồl lơh sa kă bro 2 lơgar dê đơs ală bơta kal ke, kòl yan, dăn ală jơnau kơ̆p kờñ gơwèt mờ anih lơh broă atbồ Dà lơgar dê mờ đơs bè bơta mờng chài lơh geh cồng nha tàm broă lơh sa kă bro bơh he dê. Mơkung sền gĭt, sền sơ wì ală cồng nha neh lơh geh, ală bơta ờ hềt niam, ờ hềt pràn tàm broă lơh kă bro, lơh broă bal điện năng đah lơgar Việt Nam mờ Lào tàm tơngai pa do kung bè ală bơta kòl yan bè kơrnoat, gùng dà broă lơh, sră nggal kờñ tă bơsong.

Tàm dơ̆ cribơyai, 2 gah gam bal mờ gơ̆p jòi gùng dà broă lơh, broă lơh nàng kờñ lơh geh tai bơta gơ hòi gơ jà tus bal bơh mpồl lơh sa kă bro 2 lơgar dê tàm lơh broă bal lơh sa, bơcri priă, kă bro mờ tàm ală gah broă geh ngan, bè: phan bơna bơt bơtàu kă bro, ală drà tăc rah rài, gùng dà bơtàu tơnguh lơh sa mờ măi mok lơh gơlik phan nàng kờñ wèt tus jơnau kờñ priă lơh geh mờ lơgar ndai bơh broă kă bro đah 2 lơgar dê gờñ lơh geh 2 tơmàn dolar Mỹ tàm tơngai tus.