Do là broă bơh Tổng Lãñ sự quán lơgar Campuchia tàm ƀòn dờng Hồ Chí Minh mờ Ủy ƀan Ñân zân ƀòn dờng Cần Thơ bơyai lơh nàng ală mpồl lơh sa kă bro bơh Campuchia mờ mpồl lơh sa kă bro tiah ring dà dờng Cửu Long đơs bal, ƀòn dờng Cần Thơ đơs is geh tìp mat, cribơyai, jòi git, hòi jà bơcri priă, pơgồp bơnah sơlơ tơnguh rlau tai bơta git gơp lơh broă bal lơh sa, kă bro đah 2 gah.

Tàm pơrjum, ală cau kơlôi sơnơng, mpồl lơh sa kă bro tus bơh Campuchia neh đơs loh ală tŭ niam, broă lơh bơcri priă mờ kă bro tàm lơgar Campuchia, kung bè 2, 3 broă lơh mờ broă dong kờl nàng gơ hòi gơ jà bơcri priă mờ sơlơ chồl pràn kă bro đah 2 lơgar, bè: sơlơ tơnguh broă kă bro mờ bơcri priă; 2 gah sền sơ wì tàm tơngai gờñ ngan rlau jơh bè broă pờ gùng rơndeh par đah Campuchia mờ ƀòn dờng Cần Thơ… Jat jơnau yal, bơh bồ nam tus tŭ do, priă lơh geh bơh kă bro phan bơna bơh ƀòn dờng Cần Thơ dê tus drà kă bro lơgar Campuchia rlau 37 tơlak dolar Mỹ.