Tàm dơ̆ wă, ồng Nguyễn Xuân Thắng neh cribơyai bè ală gùng dà pơlam broă lơh kwơ màng tàm broă bơt bơtàu Củ nghĩa xã hội tàm Việt Nam; đơs sùm broă lơh cribơyai lý luận là tờm ngan tàm bơta gĭt gơ̆p đah 2 Đảng; sồr 2 Đảng sơlơ tơnguh lơh broă bal, pơgồp bơnah lơh lila rlau tai bơta gĭt gơ̆p Lơh broă bal jŏ jòng, jrô ơnàng đah Việt Nam mờ Nhờk tài ring lơngai mờ pas gơs tàm câu Á.

Bàr gah cribơyai ală gùng dà broă lơh lơh broă bal tàm tơngai tus, tàm hơ̆ ring bal gàr sùm cribơyai, tìp mat kwang bàng kấp dờng; sơlơ tơnguh cribơyai jơnau yal tơngĭt, tam pà bal bơta mờng chài bè bơt bơtàu Đảng, lý luận mờ bơta geh ngan bè bơt bơtàu Củ nghĩa xã hội, tàm hơ̆ ngui geh cồng nha broă lơh cribơyai lý luận đah 2 Đảng; tam pà bal jơnau yal tơngĭt mờ pơgồp bal niam tàm ală dơ̆ pơrjum dunia mờ tàm tiah do dê.