Pơrjum cribơyai geh bơta tus bal bơh ala mat Ủy ƀan Ñân zân càr, ƀòn dờng tiah đah Jum tàm gùl lơgar mờ Tây Nguyên; ală cau yal gùng dà broă lơh tam gơl sồ mờ rlau 30 mpồl, mpồl lơh sa kă bro, cau lơh sa kă bro dùl nă să tàm jơh gùt lơgar. Nam 2024 geh Ủy ƀan Dà lơgar bè Tam gơl sồ sac rơ wah tơngume “Bơtàu tơnguh sồ mờ 4 bơta tờm lơh sa mờ măi mok, kông nghệ thông tin, lơh sồ ală gah lơh sa, atbồ sồ, ală jơnau sồ- bơta gơn kơnờm kwơ màng ai bơtàu tơnguh lơh sa- mpồl bơtiàn mhar mờ kơ̆ kơl jăp.

Tàm dơ̆ pơrjum cribơyai, ala mat ală ƀộ, ngàñ, ală tiah, kwang bàng jak chài mờ mpồl lơh sa kă bro đơs bal uă broă lơh niam bè tam gơl sồ, rùp hin bè lơh sa sồ tàm lơgar Việt Nam dê, gùng dà broă lơh, broă dong kờl sơlơ tơnguh lơh sa sồ; ală gùng dà pơlam bè tam gơl sồ lơh sa suơn sre- gah lơh sa tờm bơh tiah do dê; gơnoar broă bơh ală jơnau jat tàm ală gah lơh sa kung bè ală broă lơh tam gơl sồ lơh sa suơn sre.