VOV4.K’ho- Mho ngai 24/03, Tàm Hìu duh broă Củ tịc, Cơldŭ lơh broă Củ tịc lơgar mờ Mpồl duh broă sùm Ủy ƀan Mặt trận dà lơgar Việt Nam pơgồp bal bơyai lơh Pơrjum tơn jơh broă lơh pơgồp bal đah Củ tịc lơgar mờ Mpồl Củ tịc Ủy ƀan Mặt trận dà lơgar Việt Nam nam 2021, broă tờm pơgồp bal lơh broă nam 2022.

Củ tịc lơgar cùp rùp bal mờ ală kwang bàng ala măt tus bal pơrjum

Củ tịc lơgar ồng Nguyễn Xuân Phúc mờ ồng Đỗ Văn Chiến, Ƀí thư Đảng Dà lơgar, Củ tịc Ủy ƀan Mặt trận dà lơgar Việt Nam đơng lam bal dơ̆ pơrjum. Đơs tàm Pơrjum, Củ tịc lơgar ồng Nguyễn Xuân Phúc sồr Ủy ƀan Mặt trận dà lơgar Việt Nam sền gròi, sồr lơh, lơh pràn mblàng yal, hòi jà tàm ală rơnàng làng bol, lơh geh bơta pin dờn, bơta ring bal tàm bơta gĭt wă mờ lơh broă nàng jơh nùs lơh ngan lơh jăt geh cồng nha bơ̆t bơtàu mờ sền gàr Dà lơgar tàm tŭ tơngai pa. Di tàm dơ̆ do, Củ tịc lơgar sồr Cíñ phủ, Quôk hội, gơnoar ătbồ ală kâp sền gròi rlau tai bơsong jơnau sồr bơh Ủy ƀan Mặt trận dà lơgar Việt Nam mờ Ủy ƀan Mặt trận dà lơgar Việt Nam ală kâp dê.

Cau mblàng Lơ Mu K’Yến