VOV4.K’ho- Drim ngai 03/6, tàm ƀòn dờng Dà Làc, Ƀộ Nông nghiệp mờ Phát triển Nông thôn neh sơn đờm lam lơh Rơndap broă atbồ tiah kis kơ̆ kơljap tơl làm bơh broă tus rềp ù tiah bơtàu tơnguh kơ̆ kơljap ờ lơh gơbàn roh brê tàm Lâm Đồng mờ Dăk Nông.

Rơndap broă bơh Mpồl tam klac câu Âu dong kờl bơh Broă lơh bơtàu tơnguh Liên hợp quôk kờp priă 5 tơlak euro mờ lam lơh tàm tơngai bơh nam 2022 tus nam 2026. Jơnau kờñ là sơlơ tơnguh bơta kơ̆ kơljap jŏ jòng sùm bè tiah ơm kis, ờdo ờdă rài kis mpồl bơtiàn, bơta pràn kong jai mờ gơ dờp bơh broă lơh sa suơn sre mờ ală mpồl lơh gơlik phan bơh tiah Tây Nguyên dê. Mờ kung tơnguh broă lơh sa ai mpồl cau ƀuơn gơtìp gơ rềng, cau jơi bơtiàn kòn cau dùl êt nă cau mờ cau ùr in tàm ròt ală bơta kuơ lơh geh bơh suơn sre, brê bơnơm mờ nhơl chờ brê bơnơm. 4 kơnhoàl geh rơ wah lam lơh tơrlòng lài bè broă tus rềp tiah kis, ờ lời roh brê là Dăk Glong, Dăk Rlâp bơh càr Dăk Nông dê mờ Di Linh, Lạc Dương bơh càr Lâm Đồng dê.

Cau mblàng K’Duẩn